أغنية عيش الحياه - أحمد ال شملان

كلمات: عيسى بن مهل

أداء : أحمد ال شملان

توزيع ومكساج : احمد حبيب

الكلمات :

عيش الحياه بما تجي فيه الحياه

حتى لو أنْها تجيب فيك الغايبه !

المؤمن الصادق ،، إذا ربه بلاه !

تمسك بصبره على مصايبه

ترى ثقتك بربك ( حبال النجاه )

ولا الثقه بالناس قد هي خايبه !

لاتنخدع بالناس والوقت ورخاه

ماكل خلق. الله تسد. النايبه

كم واحدن خابت ظنونه بصدقاه

بعد مابداهم عَلى قراااايبه

أنا لو اني بوثق بكل الرواااه

ضيعت بين المخطيه والصايبه

عز الله اني خابر البير وغطااه

لو مدري الايام وشهي جايبه ؟

على كثر ماشفت يامال الغناه

نفسي من الدنيا وأهلها طايبه

والله ماعندي شيٍ أدور رضاه

الا رضى اللي معلقٍ رجاي به

كني مطوّع معطي الدنيا قفاه

مع أن كبدي من التجارب ذايبه

أنا حبيبة قلبي فروض الصلاه

مالي هوى بدرب الهوى وحبايبه