أغنية خاب ظني - بدر الحمودي

كلمات: بدر المحيني

الحان وغناء : بدر الحمودي

توزيع شريف عبدالسلام

عود : اسلام قصابجي

تم التسجيل في ستديو تون لايف - الخبر

مهندس الصوت : أحمد العطاس

مكس وماستر : م. عبدالرحمن الشهري

تصوير : سلطان البدران

جرافيكس : عبدالعزيز

تدري إني ما قدرت أنساك بالمرّه مع أنّي

كل يوم أحاول أشغل نفسي بحاجه جديده

لكن النسيان شي أكبر من عزومي ومنّي

يا شريط بذاكرة راسي وراسي يستعيده

ويش أقول ووش تقول ليا اسألوا عنّك وعنّي

ما بقى لي لأجل أجاوبهم ولا جمله مفيده

أتمنى رجعتك ولا معاي إلا التمنّي

والتمنّي للفقير اللي جلس على الحديده

أبتسم لا مرّ طاريّك على بالي وأغنّي

إبتسامة طفل جنب أمه يصلّي صبح عيده

أنت ياللي منّك دموعي ومنّك ضحك سنّي

ما قدرت اذوق بعدك طعم الأيام السعيده

يوم حاولت أمسكك بيدي فشلت وخاب ظنّي

آدمي، والآدمي ما هو بماخذ شي بيده

كل هذا ما هو بمعناه مابيك امتهنّي

دايم أدعي لك لو يديني عن يدينك بعيده

حبي أكبر من طمع نفسي بدنيا في تدنّي

الطمع ما زوّد ابنادم ولا نقّص رصيده

والا أنا ساكن بريدك بعد ما حبك سكنّي

كل يوم أخط صفحة، يا رسالة يا قصيده

ما بقى لي من حبيبي شي يرضيني لكنّي

بتشرّف وأعتبر نفسي رساله في بريده

وأنت حاول ما تواخذني على إزعاجي لأنّي

كل ما قفّلت موضوعك بدا قلبي يعيده

إعرف إنّي متّ فيك ليا دفنّي من دفنّي

والحقيقة يفعل الله ما يشاء وما يريده